2 Chronicles 7
Biakinnpi Apna
1Solomon a thunget a man ciangin van panin meikuang hong paisuk-a, meihal biakna le biakna-a kipiate hultumin TOPA minthanna biakinnpi sungah a dim hi. 2TOPA biakinnpi sungah TOPA minthanna dim ahi manin a sungah siampite a lut thei kei uh hi. 3Israel khempeuh in meikuang hong tuaksuk le biakinnpi tungsana TOPA minthanna a muh uh ciangin suangphah tungah leilam nga-in kunsuk uh a TOPA bia-in lungdam ko uh a: a “Amah hoih hi;ama itna kip tawntung hi,”
a ci uh hi. 4Tua ciangin kumpipa le mite khempeuh in TOPA mai-ah biakna a pia uh hi. 5Tuateh Kumpi Solomon in bawngtalpi tul sawmnih le tul nih le keel tul za le tul sawmnih biakna piak khatin a pia hi. Tuaci-in kumpipa le mite khempeuh in Pasian biakinnpi a ap uh hi. 6Siampite amau panmun ah pang uh a, tua mah bangin Levi-te zong TOPA tumtheih vante tawh panmun a la uh hi. Tua tumtheihte pen, Kumpi David in TOPA phat nadinga a bawl hi a, amah in lungdam a koh ciangin tuate zangin, “Ama itna kip tawntung hi,” a ci uh hi. Levi-te tawh kigalsai-in siampite in pengkul mut uh a, Israel-te khempeuh a ding uh hi. b 7 Solomon in TOPA biakinnpi tual laizang teng ap a, tua lai-ah meihal biaknate le kilawmtakna biakna ▼
▼7.7 Tang ngeina-in kilemna biakna
thau a pia hi; bang hang hiam cih leh ama bawlsa sumngo biakna-tau ah meihal biaknate, an-a biaknate le a thaute a ta zo kei hi. 8 Tua hun mahin Solomon in ni sagih sung pawi bawla, Israel khempeuh amah tawh omkhawmin - a kikhawm mihonpite, Lebo ▼▼7.8 Ahikeh a sunga lutna panin
Hamath pan Egypt Wadi dong a dim hi. 9A nigiatna ni-in mipite a kikhawm uh hi, ahang in, amaute in ni sagih sung biakna-tau pawi pawl khin uh a, pawibawlna-in adang ni sagih sung a zang lai uh hi. 10A kha sagihna a ni sawmnih le thumna ni-in TOPA in David le Solomon le ama mi Israel tungah a hoih a bawlnate hangin lungnuamtak le kipaksa in amaute inn ah a ciahsak hi. e Solomon tungah TOPA Kilang
11 Solomon in TOPA biakinnpi le kumpi in lam man khina, TOPA biakinnpi sung le ama kumpi inn sungah hih dinga a ngaihsut khempeuh a man khit ciangin, 12zanin ama tungah TOPA kilang a: “Na thungetna ka za-a keimah biak piakna biakinnpi mun dingin hih lai ka teel khin hi. f13 “Guah omloh nadingin vante ka khakcip ciang, gamsung a netum dingin kauphete thu ka piak ciang, mite lakah pulpi ka tunsak ciang, 14ka mina kilo ka mite amau mah kiniamkhiatin thu hong nget uh a, ka maitang hong zongin amaute a gitlohna panun a kihei uh leh tua ciangin vantung panin ka za dinga a mawhna uh maisakin a gam uh ka damsak ding hi. 15Tu-in ka mitte hakin hih muna thungetna-a kigente ka bil ka ngat ding hi. 16Tua lai-ah ka Min a om den nadingin hih biakinnpi teel khinin ka ap khin hi. Ka mitte le ka lungsim tua lai-ah a tu tawntung ding hi. g
17 “Nang adingin ahileh na pa David hih bangin ka mai-ah na kalsuan a, kong thupiak khempeuh hih in ka thukipte le ka thukhamte na zuih leh, 18na pa David tawh thu khungin, ‘Israel a uk ding mi na kisam kei ding hi,’ ka cih bangin na kumpi tokhom ka kipsak ding hi. h
19 “Ahi hangin kihei-in nang ▼
▼7.19 Hebrew in a tam genna
kong piak thupiakte le thukipte na ▼▼7.19 Hebrew in a tam genna
taisan a pasian dangte na sem dingin paikhia-a tuate na biak leh 20tua ciangin amaute ka piaksa ka leitang panin Israel ka botkhia dinga ka Min a ka apsa hih biakinnpi kong nolh ding hi. Mite khempeuh lakah thugentehna le ciamnuihna ka suaksak ding hi. 21Tua hi-a tu-in hih biakinnpi hoih a kisak mahmah hangin a tawnkha mi khempeuh in mulkim lua-in, ‘Bang hangin TOPA in hih gam le hih biakinnpi tungah hih bangin na sem ahi hiam?’ ci ding uh hi. 22Mite in, ‘Bang hang hiam cih leh amaute in Egypt pana a paikhiatpih TOPA a pate uh Pasian taisan uh a, pasian dangte kawi-in amaute na semin bia uh a - tua ahi manin amaute tungah hih siatna khempeuh a tung ahi hi,’ ci-in dawng ding uh hi,” a ci hi.
Copyright information for
ZomZIV